ПСЖ дарвозабони Жанлуижи Доннарумма жамоадоши дарвозабон Кейлор Навас билан муносабатлари ҳақида гапирди.
"Кейлор билан муносабатларим аъло даражада, орамизда ҳеч қандай зиддият йўқ. Шундай бўладики, одамлар ҳеч нарсани билмасдан гапирадилар, қийин вазиятларни тасаввур қила бошлайдилар. Бу вазиятда сиз ҳеч нарса қила олмайсиз. Лекин бу ҳеч қандай ҳақиқат эмас. Биз иккаламиз дўстмиз ва биз жуда яхши ишлаяпмиз", – деди Доннарумма.
Доннарумма жорий мавсумда Лига 1да еттита, Чемпионлар Лигасида иккита ўйин ўтказди. Навас миллий чемпионатда ўнта ўйин ўтказган бўлса, ЕЧЛда уч марта майдонга тушган.
