“Барселона”нинг собиқ ҳужумчиси, ҳозирда Франция чемпионатининг ПСЖ жамоасида тўп сураётган Лионель Месси МЮ ҳужумчиси Криштиану Роналду билан рақобатини эслади. 

“Мен ҳар доим ўз ютуқларимдан устун бўлишга ҳаракат қилдим, бошқаларга қизиқмасдим. Роналду билан йиллар давомида катта рақобат қилдик. Бу ажойиб эди, чунки рақобатда олдинга силжиш яхшидир. Бироқ, биз бир-биримиз билан овора эмас эдик. Мен бировдан эмас, фақат ўзимдан ўзиб кетишга ҳаракат қилдим”, - дейди 34 ёшли аргентиналик.

Эслатиб ўтамиз, ҳафта бошида Месси “Олтин тўп”ни қўлга киритганди. Бу форвард коллекциясидаги еттинчи шундай мукофотдир.