“Тоттенҳем” клубида Москванинг “Локомотив” клубига трансфер бўлган Роман Павлюченко Россия чемпионатидаги шароитни танқид остига олди. Шунингдек, карахт аҳолда қолганини ҳам яшириб ўтирмади.
“Рубин”га қарши ўйин ҳақида ўз фикрларини баён этган ҳужумчи Россияда футболнинг жуда қўпол ўйналишига урғу берди. Жамоасининг учрашувда муҳим очколарни қўлга киритганидан хурсанд бўлганини айтган Роман “Футбол ўйнаш учун қўлдан келганча ҳаракат қилдик, лекин майдон футбол ўйнайдиган майдон эмасди. Ўйин ҳам шунга яраша футболгамас, кўпроқ регбига ўхшаб кетди” деди. Эслатиб ўтамиз, “Локо” 31 ёшли футболчи учун 9 миллион евро тўлади.
