"Манчестер Юнайтед" раҳбарияти Рубен Аморимни асосий жамоа бош мураббийлигидан бўшатишга қарор қилди. Бу ҳақда таниқли инсайдер Фабрицио Романо Х ижтимоий тармоғида маълум қилди. Худди шундай маълумотни The Athletic онлайн-нашри ҳам улашди.
Романонинг сўзларига кўра, "иблислар" босслари бугун эрталаб Аморимни истеъфога чиқаришга қарор қилишган. Орнштейннинг қайд этишича, жамоани вақтинча "Юнайтед"нинг собиқ футболчиси Даррен Флетчер бошқаради.
Рубен Аморим "Манчестер Юнайтед"даги фаолиятини 2024 йилнинг ноябрида бошлаганди. Илгари у Лиссабоннинг "Спортинг" клубини бошқарган ва у билан Португалия чемпионлигини қўлга киритган.
