Украина терма жамоаси ва Римнинг "Рома" клуби марказий ҳужумчиси Артём Довбик қишки трансфер ойнасида клубини ўзгартиришга тайёрланмоқда. Бу ҳақда журналист Николо Скира ижтимоий тармоқларда хабар берди.
Италия клуби "бўрилар" устози Жан Пьеро Гасперинининг режаларига кирмаган 28 ёшли ҳужумчи билан хайрлашиш вариантларини кўриб чиқишга тайёр.
Довбикнинг бозор нархи 20 миллион еврога баҳоланмоқда. Украиналик ва римликлар ўртасидаги меҳнат шартномаси 2029 йилнинг ёзида тугайди.
Ҳужумчи 2025/2026 йилги мавсумда 16 та ўйинда қатнашиб, 2 та гол ва 2 та голли узатмани ўз ҳисобига ёздириб қўйди.
Маълумот учун. "Рома" ўтган ёзда Элдор Шомуродовни "Башакшеҳир"га ижарага юбориб, Довбикни олиб қолган эди. "Брайтон"дан жамоага келган Эван Фергюсон ҳам яқин орада клубдан кетиши мумкин.
