«Бавария» бош директори Оливер Кан жамоа ҳужумчиси Роберт Левандовски ҳақида гапирди.
«Левандовски ҳозирда бутун Европанинг энг яхши ҳужумчиси. Ўйлайманки, у яна бир неча йил шу даражада ўйнай олади. Албатта, агар у ҳозиргидек яхши ўйин кўрсатса, бу клуб учун идеал ҳолат дегани.
Роберт ўз иши учун 10 000% кучини беради, у ҳали ҳам узоқ вақт ўйнай олади. Унинг даражасига ёш фактори ҳеч қачон таъсир кўрсатмайди.
Биз Робертни 2023 йилдан кейин ҳам «Бавария»да ўйнашини истардик. Левандовски кўп йиллар давомида «Олтин тўп»ни қўлга киритишга ҳаракат қилмоқда. Бироқ бу йил унинг имкони бўлмади. Унда келаси йили «Олтин тўп»ни қўлга киритиш учун яна бир имконият бор», — дейди Кан.
