“Интер” вакиллари шу ҳафтада хорватиялик футболчи Марсело Брозович билан шартномани узайтириш бўйича музокаралар олиб боришади. Бу ҳақда журналист Николо Шира хабар берди.
Италия клуби 29 ёшли ярим ҳимоячини ўзида сақлаб қолмоқчи, шу боис унга мавсум учун 6 миллион эвро тўлашга тайёр. Томонлар ўртасидаги учрашув ҳафта охирида бўлиб ўтиши режалаштирилган. Брозович “Интер” сафида 2015 йилнинг январидан буён тўп сурмоқда. Жорий мавсумда хорватиялик ярим ҳимоячи Италия А сериясининг 16та учрашувида иштирок этиб, битта голли узатмани амалга оширган.
Брозовичнинг шартномаси мавсум охирида тугайди, Трансфермаркт ярим ҳимоячини 40 миллион еврога баҳоламоқда.Аввалроқ, футболчига Англиянинг “Ньюкасл” клуби қизиқаётгани ҳақида хабарлар тарқалган эди.
