“Inter” vakillari shu haftada xorvatiyalik futbolchi Marselo Brozovich bilan shartnomani uzaytirish bo‘yicha muzokaralar olib borishadi. Bu haqda jurnalist Nikolo Shira xabar berdi.

Italiya klubi 29 yoshli yarim himoyachini o‘zida saqlab qolmoqchi, shu bois unga mavsum uchun 6 million evro to‘lashga tayyor. Tomonlar o‘rtasidagi uchrashuv hafta oxirida bo‘lib o‘tishi rejalashtirilgan. Brozovich “Inter” safida 2015 yilning yanvaridan buyon to‘p surmoqda. Joriy mavsumda xorvatiyalik yarim himoyachi Italiya A seriyasining 16ta uchrashuvida ishtirok etib, bitta golli uzatmani amalga oshirgan.

Brozovichning shartnomasi mavsum oxirida tugaydi, Transfermarkt yarim himoyachini 40 million yevroga baholamoqda.Avvalroq, futbolchiga Angliyaning “Nyukasl” klubi qiziqayotgani haqida xabarlar tarqalgan edi.