Лондоннинг “Челси” клубининг ҳужумкор яримҳимоячиси Ҳаким Зиеш келажакда Амстердамнинг “Аякс” клубига қайтишни хоҳлашини айтди.
“Мен яна “Аякс”да ўйнашни хоҳлайман. У ерда фаолиятимнинг ажойиб йилларини ўтказдим. Клубда ўзимни уйдагидек ҳис қиламан. Агар қарор фақат менга боғлиқ бўлса, бу албатта амалга ошади”, - дейди марокашлик вингер.
Ҳаким 2016 йилдан 2020 йилгача Амстердам жамоасининг шарафини ҳимоя қилган. 28 ёшли футболчи 2020 йилнинг ёзида 5 йиллик шартнома билан “Челси”га ўтган эди.
Сўнгги пайтларда ОАВда Зиешнинг “Барселона”га ўтиши мумкинлиги ҳақида хабарлар тарқалди.
