Ия, бор экан-у, биз "қариялар"ни ўйлайдиган шунақа азаматлар! Араб футболида бир жирканч услуб бор, вақтни ўлдириш дейилади, баъзи манбаларда. Ўзига керакли ҳисоб таблода порлаб турган пайти сал ёнидан ўтиб кетсанг ҳам ўлганга ўхшаб майдонга чўзилиб, ётиб олишади кўзини олайтириб.
Кўп бор азият чекканмиз бу хурмача қилиқларидан. БАА чемпионати вакили "Ал Васл" кеча кубок учрашуви доирасида "Ал Аҳли"га 0-1 ҳисобида мағлуб бўлди. "Ал Аҳли" бош мураббийи Санчес Флоресни вақтни ўлдириш учун танлаган тактикаси Марадонанинг жаҳлини чиқарди. "Бу футбол эмас, футбол бўлиши мумкин эмас, футбол бунақа бўлмайди. Бу учига чиққан аҳмоқлик. Хунук режа" деди Марадона. Бу услуб Флоресга ярашмаганини ҳам қўшимча қилган аргентиналик афсона яна қуйидагиларни қўшимча қилди: "Флорес "Атлетико Мадрид" ва "Валенсия" каби клубларни бошқарган. Гўзал ва соф футбол қанақа ўйналишини яхши билиши лозим".
