Голландиялик ҳужумчи Мемфис Депай каталониялик “Барселона” раҳбариятига шарт қўйди. Ҳужумчи жамоанинг асосий таркибидан кафолатланган ўринга эга бўлишини талаб қилади.
“El Nacional” нашри хабарига кўра, голландиялик футболчи асосий таркибнинг дахлсиз азоси бўлишни истамоқда. Акс ҳолда, у жорий мавсум якунида “кўк-анорранглилар”ни тарк этиши мумкин.
Олдинроқ каталонияликлар уругвайлик Эдинсон Кавани ёки норвегиялик Эрлинг Холандни ўз сафига қўшиб олмоқчи экани хабар қилинганди.
Депай жорий мавсум Ла Лиганинг 15 та ўйинида 8 та гол урди. Футболчининг “Барселона” билан шартномаси 2023 йилнинг ўрталарига қадар тузилган.
