"Атлетико" ҳимоячилари Хосе Хименес ва Стефан Савич Чемпионлар лигаси гуруҳ босқичи 6-туридан ўрин олган "Порту"га қарши ўйинни ўтказиб юборадилар, дея хабар беради "Diario Sport".
Мадридликлар жамоаси бош мураббийи Диего Симеоненинг айтишича, 26 ёшли уругвайлик Испания чемпионатининг 15-тури доирасидаги "Кадис"га қарши ўйинда (4:1) мушакларидан олган жароҳатидан фориғ бўлишга улгурмаган. 16-турда "Мальорка" билан ўйинда мушаклари шикастланган 30 ёшли черногориялик реабилитация машғулотларида қатнашади ва физиотерапия муолажаларидан ўтади.
Эслатиб ўтамиз, "Порту" – "Атлетико" учрашуви 7 декабрь, Тошкент вақти билан 01:00 да старт олади.
