"Арсенал" бош мураббийи Микель Артета "Эвертон"га қарши (1:2) АПЛ 15-тур учрашувидан сўнг ўз фикрлари билан ўртоқлашди.
“Биринчи бўлимда биз тўп билан жуда ёмон муомала қилдик. Бу менга ёқмади. Дарвозага етиб борган бир неча вазиятлардан бирида гол уришга муваффақ бўлдик. Иккинчи бўлимда кўпроқ гол уришга ҳаракат қилдик, лекин ўта бепарволик туфайли гол ўтказиб юбордик. Мен жамоамдан кўпроқ нарсани хоҳлайман, биз ғалаба қозониш йўлини топишимиз керак. Бизнинг гол ўтказиб юборганимиз ва мағлуб бўлганимиз яхши эмас", - деди Артета "Sky Sports" телеканалига берган интервьюсида.
