Ливан пойтахти Байрут шаҳри мезбонлигида ўтган дзюдо бўйича ўсмирлар ва ёшлар ўртасидаги Осиё-Океания чемпионатида муваффақиятли иштирок этган терма жамоамиз делегацияси юртимизга қайтиб келди.

Бироз аввал Ислом Каримов номидаги Тошкент халқаро аеропортида музаффар спортчиларимизни тантанали кутиб олиш маросими ташкил этилди. Тадбирда Миллий олимпия қўмитаси бош котиби Ойбек Қосимов, Мудофаа вазирлиги ва федерация вакиллари, мураббийлар, дзюдочиларнинг ота-оналари ҳозир бўлишди.

Эслатиб ўтамиз, ўсмирларимиз 9 та олтин, 5 та кумуш, 5 та бронза, ёшларимиз эса 7 та олтин, 2 та кумуш, 6 та бронза, жами умумий ҳисобда 34 та медал билан 17 давлат орасида умумжамоа ҳисобида фахрли биринчи ўринни банд этишганди. Тўрт кун давомида Байрутда 16 маротаба Ўзбекистон мадҳияси янграганди.