2021 йилги мавсум якунидан кейин ҳам "Пахтакор" чемпионатларнинг умумий жадвалида якка пешқадамлик қилишда давом этмоқда.

880 учрашувда майдонга тушган "шерлар" 604 беллашувда ғалаба қозонишган. 138 ўйин дуранг билан якунланган ва яна 138 баҳсда рақиблар зафар қучган. Рақиблар дарвозасига 1985 тўп киритган жамоа 736 гол ўтказиб юборган. Тўпланган очколар сони 1950тани ташкил этмоқда. Бир ўйинда ўртача 2,216 очко жамғарилган. Навбатдаги мавсумда "Пахтакор" ўзининг Ўзбекистон чемпионатидаги 2000-голини уриб, 2000-очкосини қўлга киритиши мумкин. Жамоага энг яқин таъқибчи саналган "Нефтчи"да 1545 очко мавжуд.