Европа Чемпионлар лигаси гуруҳ босқичи 6-туридан ўрин олган учрашувда "ПСЖ" "Брюгге"ни мағлуб этган бўлса (4:1), "Манчестер Сити" сафарда "Лейпциг"га имкониятни бой берди (2:1).
Сўнгги натижалардан кейин "Ман Сити" "A" гуруҳини 12 очко билан биринчи ўринда якунлади. Мос равишда 11 очко билан парижликлар 2-поғонани эгаллаб Чемпионлар лигаси 1/8 финалига йўл олишди.
"Лейпциг" 7 очко жамғариб гуруҳда учинчи ўринни эгаллади. Энди немис клуби ўз иштирокини Европа лигаси плей-офф босқичида давом эттиради. Бельгиянинг "Брюгге" жамоаси эса 6 турда бор йўғи 4 очко тўплаб, гуруҳда сўнгги ўринни эгаллади ва еврокубоклардаги иштирокини якунлади.
