"Арсенал" устози Микель Артета клубнинг январь ойидаги трансферлар ойнасида нимага ҳаракат қилишини айтди. У бу ҳақда шундай дейди:
"Биз буни муҳокама қилмоқдамиз. Биз ҳар ҳафта нима қилсак жамоа кучли бўлади, қандай воситалар жамоани яхши тарафга ўзгартиради ва январь ойида воқеаларни қандай назорат қилиш ҳақида фикр алмашамиз. Кўриб турганингиздек, бизда ўз келажаги ҳақида аниқ тасаввурга эга бўлмаган бир нечта футболчилар мавжуд.
Шу сабаб биз ҳозирданоқ улар борасида қишда ва ёзда қандай йўл тутиш борасида ўйлаб кўришимиз керак бўлади. Ҳали кўп нарса қилиниши лозим. Чунки биз кўп нарсаларга умид боғлаганмиз. Шунинг учун трансферлар бозорида ақл билан иш тутишимиз шарт".
Эслатиб ўтамиз, "Арсенал" кейинги турни ўз уйида "Саутгемптон"га қарши ўтказади.
