"МЮ"нинг собиқ футболчиси Люк Чедвик "Арсенал" ҳақида фикр билдирди. У ўз интервьюсида шундай дейди:
"Агар яхшилаб қарасангиз, "МЮ" ҳамда "Арсенал" ўртасида кўплаб ўхшашликлар борлигига гувоҳ бўласиз. Улар мавсум бошидан бери беқарор ўйин кўрсатиб келмоқда. Айниқса, "Арсенал" ўйинларида бу ҳолат жуда тез кўзга ташланади. Охирги "Эвертон"га учралган мағлубият аслида 4-1 бўлиши керак эди. Менимча, клуб раҳбарияти ҳалиям Артетага ишонмоқда. Бу тўғри қарор деб ўйлайман. Чунки Артета ҳозирга қадар яхши даражадаги мураббий эканини кўрсатиб бера олди. Унинг жамоаси ёш ва ҳали ўсади".
