«Манчестер Юнайтед» бош мураббийи Ралф Рангник Чемпионлар лигаси гуруҳ босқичи 6-тури доирасидаги «Янг Бойз»га қарши ўйин олдидан ротация ҳақида гапирди.
- «Юнайтед» аллақачон гуруҳда биринчи ўринни кафолатлаган. Бўлажак ўйин сизга машғулотга муҳтож бўлган футболчиларни кузатиш имкониятини берадими?
- Ҳа. «Кристал Пелас»га қарши ўйнамаганлар билан учрашмоқчиман. «Пелас»га қарши ўйинда эса юқори шиддат кўрсатдик. Ҳар уч кунда бир хил таркибда бу даражада ўйнаш осон эмас.
Биз ғалаба қозонишни хоҳлаймиз. Манчестер ғалаба қозонишни хоҳлайди, бу бизнинг идеалимиз. Аммо бугунги кунда бу биз учун унчалик муҳим эмас. Айрим футболчиларга ўзини кўрсатиш имкониятини бериш муҳимроқ", - деди германиялик мутахассис.
