«Manchester Yunayted» bosh murabbiyi Ralf Rangnik Chempionlar ligasi guruh bosqichi 6-turi doirasidagi «Yang Boyz»ga qarshi o‘yin oldidan rotasiya haqida gapirdi.
- «Yunayted» allaqachon guruhda birinchi o‘rinni kafolatlagan. Bo‘lajak o‘yin sizga mashg‘ulotga muhtoj bo‘lgan futbolchilarni kuzatish imkoniyatini beradimi?
- Ha. «Kristal Pelas»ga qarshi o‘ynamaganlar bilan uchrashmoqchiman. «Pelas»ga qarshi o‘yinda esa yuqori shiddat ko‘rsatdik. Har uch kunda bir xil tarkibda bu darajada o‘ynash oson emas.
Biz g‘alaba qozonishni xohlaymiz. Manchester g‘alaba qozonishni xohlaydi, bu bizning idealimiz. Ammo bugungi kunda bu biz uchun unchalik muhim emas. Ayrim futbolchilarga o‘zini ko‘rsatish imkoniyatini berish muhimroq", - dedi germaniyalik mutaxassis.
