Москванинг “Спартак” клуби собиқ мураббийи Доменико Тедеско Германия чемпионатига иш бошлади. Немис мутахассиси “РБ Лейпциг” клуби бош мураббийи этиб тайинланди, деб хабар беради «буқалар» матбуот хизмати.
“Лейпциг” клуби ва 36 ёшли мураббий ўртасидаги шартнома 2022/2023 йилги мавсум охиригача тузилган.
Бундеслиганинг жорий мавсумида “буқалар” муваффақиятсизликка учради. Жамоа 18 очко жамғариб, турнир жадвалида атиги 11-ўринни эгаллаб турибди. “РБ Лейпциг” пешқадам “Бавария”дан 16 очко ортда қолмоқда.
Эслатиб ўтамиз, Доменико 2019 йилнинг октябридан 2021 йилнинг майигача “Спартак”га устозлик қилган ва ўша пайтда москваликлар сафида терма жамоамиз аъзоси Остон Ўрунов тўп тепган.
