Moskvaning “Spartak” klubi sobiq murabbiyi Domeniko Tedesko Germaniya chempionatiga ish boshladi. Nemis mutaxassisi “RB Leypsig” klubi bosh murabbiyi etib tayinlandi, deb xabar beradi «buqalar» matbuot xizmati. 

“Leypsig” klubi va 36 yoshli murabbiy o‘rtasidagi shartnoma 2022/2023 yilgi mavsum oxirigacha tuzilgan.

Bundesliganing joriy mavsumida “buqalar” muvaffaqiyatsizlikka uchradi. Jamoa 18 ochko jamg‘arib, turnir jadvalida atigi 11-o‘rinni egallab turibdi. “RB Leypsig” peshqadam “Bavariya”dan 16 ochko ortda qolmoqda.

Eslatib o‘tamiz, Domeniko 2019 yilning oktyabridan 2021 yilning mayigacha “Spartak”ga ustozlik qilgan va o‘sha paytda moskvaliklar safida terma jamoamiz a’zosi Oston O‘runov to‘p tepgan.