Мадриднинг «Реал» клуби тажрибали яримҳимоячи Лука Модричга ўринбосар қидира бошлади. Яримҳимоячи ўтган йилнинг кузида 36 ёшга тўлди. Унинг «қироллик клуби» билан шартномаси жорий мавсум охиригача амал қилади.
«Todofichajes» нашрининг маълум қилишича, «қаймоқранглилар» аллақачон хорват футболчисига ўринбосар сифатида «Ренн» сафида Франция чемпионатида тўп сураётган 23 ёшли Ловро Майерни кўрмоқда. Футболчининг нархи 13 миллион еврога баҳоланган ва унинг амалдаги клуби билан шартномаси 2026 йилда якунига етади.
«Реал»нинг футболчига бўлган қизиқишига «Ренн» аллақачон муносабат билдирган. «Қизил-қоралар» Майерни сотишдан камида 25 миллион евро фойда кўрмоқчи.
