Туриннинг «Ювентус» клуби раҳбарияти «Фиорентина»нинг сербиялик ҳужумчиси Душан Влаҳовичнинг трансфери борасидаги музокаралар бошлаш ниятида. «Todofichajes» нашрининг сўзларига кўра, «кекса синьора» январь ойидаги трансфер ойнаси вақтида шартномани якунлашни истамоқда.

Ўз навбатида, 21 ёшли тўпурар, ОАВнинг ёзишича, «Ювентус»га ўтишни афзал кўрмоқда. Потенциал трансфер суммаси 65-75 миллион еврога баҳоланмоқда.

Душаннинг хизматларига Туманли Альбион клублари ҳам қизиқиш билдирмоқда. Манчестернинг топ-клублари сербга шартнома таклиф қилишга тайёр.

Форвард жорий А серия жорий мавсумида 13 та гол урган.