"Реал" ярим ҳимоячиси Тони Крооснинг агенти Волтер Штрут Мадрид клуби президенти Флорентино Перес билан бўлган мулоқоти ҳақида гапирди.
"Пандемиядан сал олдин Флорентино мени тушликка таклиф қилди. Кейин у менга Крооснинг трансферини "Реал" учун аср келишуви деб билишини айтди. Пул ва нарх жиҳатидан унга тенг келадигани йўқ", - деди Штрут "Marca" нашрига.
Эслатиб ўтамиз, 2014 йилда "Реал" "Бавария"дан германиялик футболчини 25 миллион еврога сотиб олганди.
Ўшандан бери Кроос "қаймоқранглилар" таркибида 334 та ўйинда 25 та гол урди ва 82 та голли узатмани амалга оширди.
