Украина футболида энг шов-шувли қайтишлардан бири Анатолий Демьяненконинг "Волинь" клубига бош мураббий бўлиб тайинланиши бўлди.  У Ўзбекистоннинг "Насаф" жамоасидан Европа лигасининг аналоги ғолиби ва клуб тарихида миллий чемпионатнинг биринчи кумуш медали билан кетди. Энди "Динамо"нинг афсонавий ўйинчиси ва мураббийи Луцкда мувафаққитларга эришишга уриниб кўради,-деб ёзади Сomments.ua сайти Демьяненко билан уюштирган интервьюда. Қуйида интервьюнинг бизга қизиқ қисмини ҳавола қиламиз:

- Анатолий Васильевич, сиз бўлмаган вақт оралиғида Украина чемпионатида ўзгаришлар содир бўлибдими?

- Албатта, Украина чемпионатининг савияси ўсибди. Энди бизда кучли тўқнашувлар кўпайибди, жамоалар яхши томонга ўзгарибди. Премье-лига ўйинлари бир неча йил аввалгисидан қизиқроқ кечмоқда.

-  Ўзбекистон ва Озарбойжондаги клубларингизнинг инфраструктуралари "Волинь"дагидан яхшироқмиди?

- Деярли шунга яқин. Аввал айтганимдай, муаммо шундаки, бизнинг ўз базамиз ва машғулот майдонимиз йўқ. Раҳбарият бунинг устида ишламоқда ва ҳаммаси жойида бўлади.