Каталониянинг “Барселона” клубида тўп сураётган аргентиналик ҳужумчи Серхио Агуэро соғлиғидаги муаммолар туфайли футболчилик фаолиятини якунлайди, деб хабар бермоқда “Маrcа” нашри. 33 ёшли аргентиналик ўз қарорини 15 декабрь, чоршанба куни эълон қилади. 

Футболчининг юраги билан боғлиқ муаммолар бор. “Алавес”га қарши Ла Лиганинг 12-тур учрашувида аргентиналик тахикардия туфайли ўзини ёмон ҳис қилди. Шундан бери бирорта ҳам ўйин ўтказмади.

Эслатиб ўтамиз, Агуэро “кўк-анорранглилар” сафига ўтган ёзда келиб қўшилганди. “Камп Ноу” эгалари сафига ўтишдан олдин форвард “Манчестер Сити”, “Атлетико Мадрид” ва “Индепендиенте” клубларида ўйнаган.