"Вест Бромвич" клуби устози Сэм Эллардайс "МЮ" футболчиси Жесси Лингард ҳақида фикр билдирди. У бу ҳақда шундай дейди:
"Менимча, Жесси "МЮ"да қолиб, хато қилди. Чунки у яна захирада ушлаб турилибди. У "Вест Хэм"да АПЛдаги энг яхши тўпурар ярим ҳимоячилардан бирига айланган эди. Энди эса, "МЮ" захира ўриндиғини тўлдириб ўтирибди. Шундай экан, футболчилар ўз танловларини амалга оширишда эҳтиёт бўлишлари лозим".
Эслатиб ўтамиз, "МЮ"нинг навбатдаги тур баҳси коронавирус сабаб қолдирилди. Улар бугун Лондон жамоаси "Брентфорд"га қарши майдонга тушишлари керак эди.
