Швейцариянинг Ньон шаҳрида Европа Чемпионлар лигасининг 1/4 ва 1/2 финал ўйинларига қуръа ташланди. Қуръага кўра, "Барселона" ҳамда "Реал" жамоалари финалгача бир-бирига дуч келмайдиган бўлишди.

Чемпионлар лигасида энг катта совғаси, Кипрнинг "АПОЭЛ" жамоаси чорак финалда "Реал"га қарши баҳс олиб борадиган бўлди.  Яна бир фаворит саналган "Бавария" эса "Марсель" тўсиғидан ўтиши керак бўлади.

Қуръа натижалари билан танишинг:

АПОЭЛ (Кипр) – «Реал Мадрид» (Испания)

«Марсель» (Франция) - «Бавария» (Германия)

«Бенфика» (Португалия) – «Челси» (Англия)

«Милан» (Италия) – «Барселона» (Испания)

"АПОЭЛ" ва "Реал" баҳси ғолиби ярим финалда "Марсель" ва "Бавария" баҳси ғолиби билан учрашади. "Бенфика" ва "Челси" ўртасидаги ўйинда ғолиб чиққан жамоа "Милан" ёки "Барселона" жамоаларидан бири билан куч синашадиган бўлди.

1/4 финалининг дастлабки учрашувлари 27 ва 28 март кунлари бўлиб ўтади. Жавоб учрашувлари эса 3 ва 4 апрелга мўлжалланган. Ярим финал учрашувлари 17-18 апрел, жавоб ўйинлари 24 ва 25 апрелда бўлиб ўтади.