Мадриднинг "Реал" жамоаси германиялик ярим ҳимоячи Нури Шахинни ёзда бошқа жамоага ижарага беришга қарор қилган. Бу ҳақда Marca нашри маълумот бермоқда.
Мавсум бошида катта умидлар билан жамоага таклиф этилган футболчи, жароҳати сабаб кўп вақтини майдондан ташқарида ўтказди. Жароҳатидан қутилиб сафга қайтган пайтда эса, рақобатга дош бера олмади. Айнан шу сабаб, мадридликлар футболчини ёзда ижарага беришмоқчи.
Тасдиқланмаган маълумотларга қараганда, Шахин ўзининг собиқ жамоаси, Дортмунднинг "Боруссия" клубига қайтиши мумкин. Шунингдек, Лондоннинг "Арсенал" клуби ҳам Туркия терма жамоаси аъзосининг ҳизматидан фойдаланишга тайёрлигини билдирган.