Мадриднинг "Реал" клуби бош мураббийи Жозе Моуриньо Европа чемпионлар Лигаси чорак финали қуръасини якунларини изоҳлар экан, Кипрнинг АПОЭЛЬ клуби жорий мавсумда жуда катта ривожланишга эришганини таъкидлади.
- АПОЭЛЬ гуруҳдан биринчи ўрин билан чиқиб, нимчорак финалдағалаба қозонгани бежиз эмас, турнирнинг бу босқичида рақибнинг кучи ва имкониятларини чамалаш бемаънилик бўларди, — дея Моуриньонинг гапларини келтирмоқда "Реал" расмий сайти. — Бу жамоани ва унинг босиб ўтган йўлини ҳурмат қилишимиз керак. Тўғри, уларда катта тажриба йўқ, бироқ гуруҳ босқичида улар ишончли ўйин намойиш этишди. АПОЭЛЬнинг савсияси ўсди, улар "Порту" ва "Лион"дек жамоалар устидан ғалаба қозонишди. Ҳа, салоҳият жиҳатидан бу жамоа биз учрашганларига нисбатан кучсизроқдек. Лекин мен "Интер" билан Никосияда, гарчи бунга лойиқ бўлмасак-да, дуранг ўйнаб қайтганимизни жуда яхши эслайман.
Эслатиб ўтамищ, АПОЭЛЬ – "Реал" ўйини 27 март куни Кипрда бўлиб ўтади.
