"Лацио" "Сампдория" ҳужумчиси Миккел Дамсгаардга қизиқиш билдирмоқда, дея хабар беради "Calciomercato".
Маълумотларга кўра, римликлар 21 ёшли данияликни январда ўз сафига қўшиб олмоқчи. Қайд этилишича, “Сампдория” футболчи билан 25 миллион евро эвазига хайрлашишга тайёр, бироқ “Лацио” музокаралар давомида нархни пасайтирмоқчи.
2021/22 йилги мавсумда Дамсгаард "Сампдория"нинг 8 та ўйинида қатнашди, аммо самарали ҳаракатлари билан ажралиб турмади, айни дамда футболчи сон қисмидан олган жароҳатидан фориғ бўлмоқда. Transfermarkt.com портали форварднинг нархини 20 миллион еврога баҳоламоқда.
