"Lasio" "Sampdoriya" hujumchisi Mikkel Damsgaardga qiziqish bildirmoqda, deya xabar beradi "Calciomercato".
Ma’lumotlarga ko‘ra, rimliklar 21 yoshli daniyalikni yanvarda o‘z safiga qo‘shib olmoqchi. Qayd etilishicha, “Sampdoriya” futbolchi bilan 25 million yevro evaziga xayrlashishga tayyor, biroq “Lasio” muzokaralar davomida narxni pasaytirmoqchi.
2021/22 yilgi mavsumda Damsgaard "Sampdoriya"ning 8 ta o‘yinida qatnashdi, ammo samarali harakatlari bilan ajralib turmadi, ayni damda futbolchi son qismidan olgan jarohatidan forig‘ bo‘lmoqda. Transfermarkt.com portali forvardning narxini 20 million yevroga baholamoqda.
