"Бунёдкор" ФК делегацияси Жанубий Кореянинг Поханг шаҳрига етиб келишди.
"Қалдирғочлар" делегацияси 17 март куни 11:40да Тошкент халқаро аэропортидан Банкокка 5 соату 35 дақиқа парвоз қилдилар. Сувамабуми халқаро аэропортидаги 6 соатлик кутишдан сўнг Жанубий Кореянинг Пусан шаҳрига училди. Пусандан Похангга автобусда 30 дақиқа ичида етиб олинди. У ерда "Бунёдкор" ФК делегацияси "Поханг Стилерз"нинг бош ҳомийсига тегишли бўлган "Posco International hotel" меҳмонхонасига жойлашишди.
"Бунёдкор" устози Миржалол Қосимов Жанубий Кореяга қуйидаги футболчиларни олиб келган:
Дарвозабонлар: Игнатий Несетров, Акбар Тўраев
Ҳимоячилар: Саҳоб Жўраев, Хайрулла Каримов, Артём Филипосян, Анвар Ғофуров
Ярим ҳимоячилар: Эмиль Кенжисариев, Ян Козак, Лутфулла Тўраев, Шавкат Саломов, Виктор Карпенко, Дэвид Карни, Руслан Мельзиддинов, Яннис Мандзукас
Ҳужумчилар: Анвар Солиев, Баҳодир Пардаев, Камолиддин Мурзоев
Ҳимоячи Славолюб Жоржевич бетоблиги туфайли Жанубий Кореяга бора олмади. Акмал Шораҳмедов ва Анвар Ражабовда жароҳат борлиги учун улар айни пайтда Тошкентда даволанишмоқда. Абдуқаҳҳор Хожиакбаров ва Жавлон Иброхимов эса олимпия терма жамоамиз йиғинига жалб этилишган.
