Кристиан Эриксен кеча «Интер» билан шартномани бекор қилди. Аммо, ёзда Дания терма жамоасининг Евро-2020 мусобақаси доирасидаги Финляндияга қарши баҳсда юраги билан боғлиқ муаммога учраган футболчи бутсасини михга илиб қўймоқчи эмас. Яримҳимоячининг агенти аллақачон Эриксен профессионал даражада ўйнашда давом этишини маълум қилган.
“Tipsbladet” нашрининг ёзишича, Кристиан Эриксен ватани Даниядан иккита таклиф олган. Яримҳимоячига «Оденсе» ва «Копенгаген» клублари шартнома таклиф қилган. Бироқ 29 ёшли футболчи бу таклифларни рад этди.
Қайд этилишича, Кристиан Эриксен Голландия ёки Англияда фаолиятини давом эттириши мумкин. Бироқ, данияликнинг қачон майдонга қайтиши ҳақида ҳозирча айтиш қийин.
