Осиё чемпионлари лигасида навбатдаги учрашувни ўтказиш учун Эрон пойтахти Теҳронга йўл олган “Насаф” футбол клубининг 35 кишидан иборат делегацияси уч соатлик парвоздан сўнг манзилга етиб келди.

Бугун эрталаб Қаршидан Теҳронга чартер рейс орқали тўғридан-тўғри парвоз қилган жамоа аъзолари Эрон пойтахтида жойлашган “Espinas” меҳмонхонасига жойлашишди.

Ушбу сафарга жамоа таркибидан қуйидаги футболчилар жой олишди:

дарвозабонлар: Муротжон Зуҳуров, Ғайрат Ҳасанов, Элдорбек Суюнов.

Ҳимоячилар: Боян Малишич, Мақсуд Каримов, Жаҳонгир Жиямуродов, Ботир Қораев, Шерзод Аъзамов, Алишер Юсупов.

ярим ҳимоячилар: Илҳом Юнусов, Фозил Мусаев, Эркин Байдуллаев, Артур Геворкян, Андрей Переплёткинс, Мирзакамол Камолов, Шоҳруҳ Гадоев, Суҳроб Неъматов, Элдор Бойматов.

ҳужумчилар: Носирбек Отақўзиев, Илҳом Шомуродов, Шуҳратбек Мирҳолдиршаев, Иван Бошкович.

Эслатиб ўтамиз, ОЧЛнинг 2-туридан ўрин олган “Истиқлол” – “Насаф” жамоалари ўртасидаги учрашув 20 март, сешанба куни Тошкент вақти билан соат 20:30 да теҳрондаги “Озодий” стадионида бошланади.