“Навбаҳор”нинг якунланган мавсумга оид статистик маълумотлари билан таништиришда давом этамиз. Бу сафар жамоанинг Coca Cola Суперлига–2021 учрашувларида энг яхши, деб топилган футболчиларига тўхталишни лозим, деб топдик.

Мавсум–2021да “лочинлар”нинг 8 нафар футболчиси 16 та ўйинда Ўзбекистон Профессионал футбол лигаси (ЎзПФЛ) томонидан учрашувнинг энг яхши футболчиси, деб топилишди, яъни, “Навбаҳор” иштирокидаги 26 та баҳсдан фақатгина 10 тасида энг яхши футболчи номига рақиб жамоа аъзолари сазовор бўлишган, холос.

Бу борадаги устунлик “лочинлар”нинг тажрибали сардори Азимжон Аҳмедовга тегишли. Аҳмедов “Навбаҳор”нинг 6 та баҳсида учрашувнинг энг яхши ўйинчиси деб топилди.

Жамоанинг тажрибали дарвозабони Ўткир Юсупов 3 марта, тожикистонлик маҳоратли ярим ҳимоячи Эҳсони Паншанбе 2 марта, Қувондиқ Рўзиев, Коста Тенорио Гуттинер, Иван Соловьёв, Игорь Голбан ва Забиҳилло Ўринбоев эса 1 мартадан энг яхши футболчи номига сазовор бўлишди.

“Навбаҳор” ПФК матбуот хизмати.