Машҳур Who Scored портали таҳлилчилари «Тоттенхэм» - «Ливерпуль» учрашуви футболчиларига баҳо берди.
Унга кўра, «шпорлар» ҳужумчиси Харри Кейн учрашувнинг энг яхши футболчиси деб топилди. Кейн ҳисобида битта гол мавжуд.
«Қизиллар» ҳимоячиси Трент Александр-Арнольд «Ливерпуль»нинг энг яхши ўйинчисига айланди. Футболчи битта голли узатмани амалга оширди.
Мерсисайдликлар орасида энг паст балл Роберто Фирмино ва захирадан майдонга тушган Костас Цимикасга қўйилди. «Тоттенхэм» таркибида энг паст бални ҳимоячи Бен Дэвис олди.
