«Тоттенхэм» ҳужумчиси Сон Хён Мин Англия чемпионатининг 18-туридан ўрин олган «Ливерпул»га (2:2) қарши ўйин ҳақида гапирди.

«Менимча, бу ўзига хос ўйин бўлди. Бу ерда етарлича кескинлик бор эди, иккала жамоа ҳам жуда кучли ўйин кўрсатишини мухлислар яхши билишади.

Баъзида ҳақиқатан ҳам босимни ҳис қиласан, лекин бу учрашув менга жуда ёқди. Эркин ҳаракатлана олдим.

Тўпни яхши назорат қилдик, вазиятлар яратдик. Ҳисобни йириклаштириш учун бизда етарлича имкониятлар бўлди.

Ростини айтсам, жуда афсусдаман, чунки менда кўп имкониятлар бўлган эди, лекин баъзида нотўғри қарорлар қабул қилдим», - дейди Сон.