ПСЖ спорт директори Леонардо ҳужумчи Лионель Мессининг клубга мослашуви ҳақида гапирди.

“Менда Месси борасида шубҳа йўқ. Агар сиз Месси ҳақида гапира бошласангиз, бу футбол ҳақида ҳеч нарсани тушунмаганлигингиздир. Биз унга шубҳа қила олмаймиз.

Мессининг кўрсатаётган натижаларига қарасангиз, унинг дастлабки олти ойи ақл бовар қилмас даражада ўтди. У ва Мбаппе клуб учун деярли барча голларда қатнашган. Лионель ўйин тақдирини ҳал қилувчи ўйинчилардан бири.

Ҳар бир ўйинда 12 километр югуриш кераклигини ким айтди? У 20 йил давомида бир хил услубда ўйнади. Янги ўйинчилар пайдо бўлганда, у ўзгаради. Аммо у даҳо бўлгани учун мослашади, бошқа футболчиларимиз эса унга мослашади”, — деди Леонардо.