"Лацио"нинг сербиялик ярим ҳимоячиси Сергей Милинкович-Савич ёзда "Манчестер Юнайтед" ёки "ПСЖ"га ўтиши мумкин, дея ёзади Николо Скира ўзининг Twitter саҳифасида.
Хабарларга кўра, марказий ярим ҳимоячи ёзда Рим клубини тарк этиши мумкин. "Лацио" футболчи билан 70-80 миллион евро эвазига хайрлашишга тайёр. Футболчига "Манчестер Юнайтед" ва "ПСЖ" клублари қизиқиш билдирмоқда.
Жорий мавсумда серб 23 ўйин ўтказиб, 5 та гол урди ва шунча голли узатмани амалга оширди.
Марказий ярим ҳимоячининг “Лацио” билан шартномаси 2024 йилнинг ёзида якунига этади. Transfermarkt портали Милинкович-Савични 70 миллион еврога баҳоламоқда.
