Италиянинг «Интер» клуби бош мураббийи Симоне Индзаги жамоанинг А Сериядаги ҳозирги ҳолати бўйича фикр билдирди. «Нерадзуррилар» айни пайтда яқин таъқибчиларини («Наполи» ва «Милан») 4 очкога ортда қолдириб, пешқадамлик қилишмоқда.
«Мен "қишки чемпион" бўлганимиздан жуда хурсандман, лекин бу ҳали ҳеч нарсани англатмайди. Қишда ҳеч ким чемпионлик медалларини топширмайди.
Биз синчков бўлишимиз ва мақсад сари қадам ташлашда давом этишимиз керак. Агар Скудетто ҳақида гапирадиган бўлсам, «Интер»нинг олдида узоқ йўл турибди. Турнир жадвалидаги вазият қандай ўзгараётганини ўзингиз кўриб турибсиз», - деди Индзаги клубнинг расмий сайтига.