Англия терма жамоасининг собиқ ҳужумчиси Алан Ширернинг фикрича, ҳужумчилар Садио Мане ва Муҳаммад Салоҳнинг Африка Миллатлар Кубогига кетиши «Ливерпуль»нинг Англия Премьер-лигасида ғалаба қозониш имкониятларига таъсир қилиши мумкин.
«Агар турнир бўлиб ўтадиган бўлса, Салоҳ ва Мане Премьер-лиганинг фақат иккита ўйинини ўтказиб юбориши мумкин. Аммо уларнинг термаси узоқроққа борса, таббийки улар қолдирадиган ўйинлар сони ортади. Чемпионлик учун шундай кескин курашда Юрген Клопп жамоасининг чемпионликдан қуруқ қолишига 3-4 ўйин етарли бўлиши мумкин.
Гап ўз мақсадлари билан ўйиннинг боришини ўзгартира оладиган жамоанинг икки юлдузи ҳақида кетмоқда. Улар бир ой давомида жамоада бўлмаслиги мумкин.
Салоҳ ҳар қандай вақтда сеҳр яратишга қодир. Мен учун у айни дамда дунёнинг энг яхши футболчиси. Нафақат тўпурар, балки етакчи ҳам. Шунинг учун унинг йўқлиги "Ливерпуль" учун йўқотиш, рақиблар учун эса ёрдам. Гарчи Клоппда ҳали ҳам кучли футболчилар кўп бўлса-да,» - дея Ширернинг сўзларини келтиради BBC.
