"Реал Мадрид"нинг ижара асосида тўп сураётган футболчиси Рейньер "Боруссия Дортмунд"дан яна "галактикос"га қайтиши мумкин.
Bild хабарига кўра, январь ойида немис клуби 19 ёшли ярим ҳимоячини "Реал"га қайтаришни режалаштирган. "Боруссия" қишки трансфер ойнаси олдидан маошни камайтириш учун Рейньердан қутулмоқчи.
Агар шундай бўладиган бўлса, "Боруссия" "Реал"га бразилиялик футболчининг бу йилги маошининг бир қисмини қоплаши керак бўлади. Мадрид клуби Рейньер учун ижарага янги клуб қидиради.
Жорий мавсумда 19 ёшли футболчи “Боруссия” билан 275 дақиқа майдонда ўйнади ва бирорта ҳам гол кирита олмаган.
