"Манчестер Юнайтед" ҳимоячиси Фил Жонс январь ойида "қизил иблислар"ни ижара асосида тарк этиши мумкин. Англиялик футболчининг хизматларига "Бенфика" қизиқиш билдирмоқда, деб хабар беради "Daily Mail".
Маълумотларга кўра, "Бенфика" Жонсни жамоанинг ҳимоя марказининг мустаҳкамловчи футболчи сифатида кўрмоқда. Манкунианликлар бош мураббийи Ральф Рангник ҳимоячини Португалияга қўйиб юборишга тайёрлигини маълум қилди.
Эслатиб ўтамиз, Жонс 2011 йилдан буён "Манчестер Юнайтед"да ўйнаб келмоқда. Футболчининг клуб билан шартномаси 2023 йилнинг июнигача амал қилади. Трансфермаркт порталига кўра, футболчининг нархи 5 миллион еврони ташкил қилади.
