«Реал» бош мураббийи Карло Анчелотти Испания чемпионатининг 21-тури доирасида бўлиб ўтган «Атлетик Бильбао»га қарши ўйин (2:1) борасида ўз фикрини билдириб ўтди.

«Бу ғалаба биз учун катта аҳамиятга эга. Бир тўп билан ғалаба қозонилган ўйинларда сўнгги сонияларгача сабр қилишга тўғри келади. Бензема? У ажойиб ҳужумчи, ажойиб сардор, буюк ўйинчи, буюк инсон, жуда кучли ва камтар.

Мазкур уч очко туфайли таъқибчилардан янада илгариладик ва энди хотиржам дам олсак бўлади.

Сўнгги пайтларда бу таркиб ўйнамаган бўлсак-да, бугун мақсадга эришишга қаратилган ўйин намойиш этдик. Начо, Азар, Феде [Вальверде], Камавинга – уларнинг барчаси ажойиб ўйин ўтказишди ва юқори жонбозлик кўрсатишди.

Азар аввалги савиясига қайтди. У яхши ўйнади ва майдонда жанг қилди. Жамоа ҳимояланаётганда Азар ва Винисиус қандай ҳаракат қилиш кераклигини яхши тушунишади», – деди Анчелотти.