Собиқ футболчи ва Усмон Дембеленинг яқин дўсти Матье Бодмернинг таъкидлашича, "Барселона" форварди клубини ўзгартириш ҳақида ўйламайди.
"Дембеле "Барса"да қолмоқчи. У клуб ва мураббий билан яхши муносабатда. Хави доимо унга нисбатан яхши муносабатини кўрсатади. Усмон турмуш тарзини ўзгартирди. Унинг энди шахсий ошпази, физиотерапевтлари бор... Кўп нарса ўзгарди. Энди у анча профессионал, машғулотларга ўз вақтида келади", - деди Бодмер.
Жорий мавсумда Дембеле Испания чемпионатининг бешта ўйинида майдонга тушиб, иккита голли узатмани амалга оширди.
