Бугун осиё футбол майдонларида ОФК чемпионлар Лигаси ва ФОК кубоги гуруҳ босқичи 2-тур учрашувилари бўлиб ўтади. Чемпионатимизнинг уч жамоаси меҳмонда тўп сурса, 17:30 да "Жар" стадионида "Пахтакор" БААнинг "Бани Йас" клубини қабул қилади.
Айни дамда Жанубий Кореянинг Поханг шаҳридаги "Стилярд" стадионида "Е" гуруҳи 2-тур учрашувининг иккинчи бўлими давом этмоқда. Лутфулло Тўраевнинг 31-дақиқада киритган голидан сўнг "қалдирғочлар" 0:1 ҳисобида олдинга чиқиб олишган.
Ушбу гуруҳнинг шу турдаги бошқа учрашувида "Аделаида Юнайтед" ўзининг "Ҳайнддмарш" стадионида "Гамба Осака" устидан 2:0 ҳисобида ғалаба қозонди ва очколари сонини 6 тага етказиб олди.
Тошкент вақтида билан 20:30 да "Насаф" Теҳрондаги "Озодий" стадионида "Истиқлол" меҳмони бўлади.
Шунингдек, эртага Тошкент вақтида билан 17:15 да "Нефтчи" Ҳиндистонда маҳаллий "Салгаокар" клубига қарши майдонга тушади.
