Англиянинг «Астон Вилла» клуби бош мураббийи Стивен Жеррард Лондоннинг "Челси" клуби мухлисларини ҳужумларига ва тролларига тайёр.

Эслатиб ўтамиз, ўз вақтида Жеррард "Ливерпуль" таркибида ўйнаб юрган пайтларида "Челси" қарши учрашувда қўпол хатога йўл қўйганди. Жерарднинг ўша хатоси Брендан Роджерс бошчилигидаги "Ливерпуль"ни чемпионликдан маҳрум қилганди ва ўша мавсум «Манчестер Сити» АПЛ ғолиби бўлганди.

«Ҳақиқатдан ҳам, бизда ўзаро ёқимли муносабатлар мавжуд. Мен буни «Челси» мухлисларидан қабул қилиб оламан, лекин ўйининг бир қисми. Мен бу нарсаларни тўғри қабул қиламан. Биринчи навбатда олдинда «Челси» ва «Астон Вилла» жамоаларининг ўзаро ўйини турибди. Бундай вазиятда бошқа жамоаларнинг мухлисларига бўлган муносабатимиз иккинчи планга тушади. Бу шунчаки мухлисларнинг шовқини», - деди Стивен.