"Интер" ярим ҳимоячиси Марсело Брозович тез орада клуб билан шартномасини узайтиради, дея хабар берди италиялик журналист Николо Скира Twitter саҳифасида.
Маълумотларга кўра, келишув деярли якунланган. Томонлар охирги тафсилотларни келишиб олишлари керак. Шартнома 2025 йилгача тузиб чиқилади ва футболчининг маоши йилига олти миллион еврони ташкил қилади.
Қайд этиш жоиз, 29 ёшли хорват жорий мавсумда “Интер” сафида 25 та ўйин ўтказиб, 1 та гол ва 2 та голли узатмага муаллифлик қилган.